मध : आयुर्वेदातील परम औषध

मध : आयुर्वेदातील परम औषध 
(क्रमशः )

​
आजकाल बाजारात बऱ्याच कंपन्यांचे मध मिळतात . मात्र ते किती शुद्ध आहे या बद्दल आपण बऱ्याचदा साशंक राहतो .. 

यासाठी मधाच्या काही सामान्य परीक्षा बघुया ....

शुद्ध मध परीक्षा :

१. मध पाण्यात लगेच बुडतो , मध लगेच पाण्यात विरघळून जात नाही .

२. मधात माशी रुतत नाही , ती मधाला चिकटत नाही .

३. उत्तम मध कुत्रं चाटत नाही , किंबहुना मधाच्या दिशेने कुत्रा येत नाही .

४. उभ्या कापडावर मध सोडला असता तर तो कपड्यात न भिनता घरंगळत खाली जातो .

५. मध जाळला तर तेलाप्रमाणे जळतो . त्याला साखरेसारखी काळी घाण येत नाही .

६. दोन बोटांच्या चिमटीत मध धरून चोळला तर तो पातळ होत जातो . काकवी किंवा साखरेचा पाक भेसळ म्हणून घातली असेल तर तर घट्ट होत जातो .

७. मधात असणारे पाणी मधाशी एकरूप झाल्याने मध जळताना चुरचुर आवाज येत नाही . उत्तम आणि स्वच्छ मधात बुडवलेली वात आवाज न करता आणि वेगाने जळते .